ڈپریشن جیسے مرض سے نجات پانا اب ہوابہت آسان نئی تحقیق میں شاندار نتائج

پاکستان نیوز پوائنٹ
اب ڈپریشن جیسا مرض ورزش کے ذریعے بھی کم کیا جا سکتا ہے۔ اگر ورزش کے بعد آپ کا مزاج خوشگوار ہو رہا ہے تو یہ محض وہم نہیں بلکہ حقیقت ہے۔ جسمانی سرگرمیوں سے مزاج بہتر ہوتا ہے اور ڈپریشن کی علامات کی شدت میں کمی آتی ہےبرطانیہ کی لنکر شائر یونیورسٹی کی نئی تحقیق میں ڈپریشن کے 5 ہزار افراد پر 73 کلینیکل ٹرائلز کے ڈیٹا کا جائزہ لیا گیا۔ ان میں سے زیادہ تر افراد سکون آور ادویات استعمال کر رہے تھے۔ تحقیق میں یہ بات سامنے آئی کہ ورزش کرنے کی عادت ڈپریشن کی علامات میں کمی لانے میں ادویات یا تھراپی جتنی مؤثر ثابت ہوتی ہے۔تحقیق کے مطابق ورزش سے دماغ میں اینڈورفنز نامی کیمیکل خارج ہوتا ہے جو خوشی کا احساس دیتا ہے اور موڈ بہتر کرتا ہے۔ ساتھ ہی ورزش دماغی نشوونما کے لیے ضروری عناصر کو بھی فعال کرتی ہے، جس سے ڈپریشن کی شدت کم ہوتی ہے۔ماہرین کے مطابق ہلکی یا معتدل شدت کی ورزش، جیسے تیز چہل قدمی، سیڑھیاں چڑھنا یا وزن اٹھانے والی ورزشیں، ڈپریشن کی روک تھام میں مددگار ثابت ہوتی ہیں۔ بعض اوقات یوگا بھی جوگنگ جتنا فائدہ مند ہو سکتا ہے۔ماہرین کا کہنا ہے کہ ورزش نہ صرف سستی ہے بلکہ اس کے مضر اثرات بھی بہت کم ہیں اور یہ جسم، ذہن اور جذبات سب پر مثبت اثرات مرتب کرتی ہے۔