کشمیری عوام کے حقِ خودارادیت کا احترام ناگزیر ہے صدر وزیر اعظم

پاکستان نیوز پوائنٹ
دنیا بھر میں مقیم کشمیری آج یوم الحاق پاکستان منارہے ہیں،19 جولائی 1947 کو آل جموں و کشمیر مسلم کانفرنس کے نمائندہ اجلاس میں ایک تاریخی قرارداد منظور کی گئی تھی، جس میں ریاست جموں و کشمیر کے پاکستان کے ساتھ الحاق کا فیصلہ کیا گیا۔ صدر مملکت آصف علی زرداری نے یومِ الحاقِ پاکستان کے موقع پر اپنے پیغام میں کہا ہے کہ یہ دن کشمیری عوام کی تاریخی امنگوں اور پاکستان سے ان کے گہرے تعلق کی یاد دلاتا ہے۔صدر مملکت نے کہا کہ پاکستان اور جموں و کشمیر کے عوام کے درمیان تاریخی، ثقافتی اور روحانی رشتے مضبوط اور دیرینہ ہیں، انہوں نے اس عزم کا اعادہ کیا کہ پاکستان کشمیری عوام کے حقِ خودارادیت کی مسلسل حمایت کرتا رہے گا۔ وزیر اعظم نے کہا کہ جموں و کشمیر کا تنازع اقوامِ متحدہ کی متعلقہ قراردادوں کے مطابق حل ہونا چاہیے اور کشمیری عوام کے حقِ خودارادیت کا احترام ناگزیر ہے۔ صدر مملکت نے عالمی برادری سے مطالبہ کیا کہ وہ مقبوضہ جموں و کشمیر میں انسانی حقوق کی مبینہ خلاف ورزیوں پر توجہ دے، جبکہ اقوامِ متحدہ اپنی قراردادوں پر عمل درآمد یقینی بنانے کے لیے مؤثر کردار ادا کرے۔