اردو نیوز اپڈیٹس

21 ملین سوڈانی شدید غذائی قلت کا شکار ہیں اقوام متحدہ

پاکستان نیوز پوائنٹ
سوڈان میں فوج اور ریپڈ سپورٹ فورسز کے درمیان لڑائی کے جاری رہنے کے دوران اقوامِ متحدہ نے ایک بار پھر انسانی صورتحال کے بگڑنے سے خبردار کیا ہے۔اقوامِ متحدہ سے وابستہ انسانی تنظیموں نے بتایا ہے کہ تقریبا 21 ملین سوڈانی شدید غذائی قلت کا شکار ہیں، جبکہ 20 ملین سے زائد افراد کو فوری طبی امداد کی اشد ضرورت ہے۔اقوامِ متحدہ کے دفتر برائے رابط انسانی امور(اوچا)کے ترجمان ینس لیرک نے تصدیق کی کہ شہری روزانہ ایسی جنگ کی قیمت چکا رہے ہیں ،جو انہوں نے خود نہیں چنی۔ادھر اقوامِ متحدہ کے اعداد و شمار کے مطابق، تقریبا 13اعشاریہ6 ملین سوڈانی اپنے گھروں سے بے دخل ہو چکے ہیں، جن میں سے 4اعشاریہ3 ملین سے زائد افراد سرحدوں کے پار پناہ لینے پر مجبور ہوئے،جس سے پڑوسی ممالک پر بھاری بوجھ پڑ رہا ہے۔اقوامِ متحدہ کے ذیلی ادارے یونیسف کے مطابق اپریل 2023 میں تنازع کے آغاز سے اب تک روزانہ تقریبا 5 ہزار بچے بے گھر ہو رہے ہیں۔یونیسف کے نمائندے ریکارڈو پیریز نے کہا:بہت سے افراد کئی بار بے گھر ہو چکے ہیں، اور جہاں بھی پناہ لیتے ہیں، تشدد ان کا پیچھا کرتا ہے۔انسانی صورتحال عالمی سطح پر امدادی فنڈز کے بحران کے باعث مزید پیچیدہ ہو گئی ہے، کیونکہ گزشتہ سال درکار 4اعشاریہ2 ارب امریکی ڈالر میں سے عطیہ دہندگان نے صرف 36 فیصد رقم فراہم کی۔اس کے نتیجے میںاوچا تقریبا 34 ملین محتاج افراد میں سے صرف 20 ملین کو ہی انسانی امداد فراہم کر سکا۔اسی تناظر میں لیرک نے فوری طور پر جنگ بندی، پائیدار امن کے قیام کے لیے عملی اقدامات، انسانی امداد کی بلا رکاوٹ رسائی اور شہریوں کے تحفظ کا مطالبہ کیا۔یہ تنازع جو اپریل 2023 میں شروع ہوا اور اب اپنے ہزارویں دن میں داخل ہو چکا ہے، اقوامِ متحدہ کے اندازوں کے مطابق دنیا کی سب سے بڑی قحط کی صورتحال اور زبردستی بے دخلی کی سب سے بڑی لہر کا سبب بن چکا ہے۔

Faisal Bukhari

Recent Posts

امریکا ایران مفاہمت کا خیر مقدم پاکستان نے تاریخی کردار ادا کیا صدر آصف زرداری

پاکستان نیوز پوائنٹ صدرِ مملکت آصف علی زرداری نے ایران، امریکا مفاہمتی یادداشت کو خطے…

23 hours ago

امریکا ایران معاہدہ وزیراعظم نے اسلام آباد مفاہمتی یادداشت پربطور ثالث دستخط کردیے

پاکستان نیوز پوائنٹ وزیراعظم شہباز شریف نے اسلام آباد مفاہمتی یادداشت پربطور ثالث دستخط کردیے۔…

24 hours ago

محسن نقوی کا جلوسوں اور مجالس کے داخلی و خارجی راستوں پر سخت چیکنگ کا حکم

پاکستان نیوز پوائنٹ وفاقی وزیر داخلہ محسن نقوی نے جلوسوں اور مجالس کے داخلی و…

24 hours ago

عوام کو سہولیت دینا ہے ترجیح ہے وزیراعلیٰ سندھ مراد علی شاہ کی پوسٹ بجٹ پریس کانفرنس

پاکستان نیوز پوائنٹ وزیراعلیٰ سندھ سید مراد علی شاہ نے پوسٹ بجٹ پریس کانفرنس میں…

24 hours ago

سپریم کورٹ کے تمام ملازمین کا یوٹیلیٹی الاؤنس ڈبل کردیا گیا

پاکستان نیوز پوائنٹ سپریم کورٹ ملازمین کے یوٹیلیٹی الاؤنس میں 100 فیصداضافہ کردیا گیا۔ چیف…

24 hours ago

امریکا اور ایران کے صدور نے تاریخی امن معاہدے پر دستخط کر دیے تصاویر سوشل میڈیا پر وائرل

پاکستان نیوز پوائنٹ وائٹ ہاؤس کی جانب سے اپنے ایکس اکاؤنٹ پر جاری ایک وڈیو…

24 hours ago