آپریشن غضب للحق جاری کابل میں 313 کور کا انفرااسٹرکچر تباہ

پاکستان نیوز پوائنٹ
فتنہ الخوارج دہشت گردوں کے خلاف سکیورٹی فورسز کا آپریشن غضب للحق جاری ہے. افغانستان میں مؤثر فضائی کارروائیوں کے دوران متعدد دہشت گرد ٹھکانوں اور فوجی تنصیبات کو تباہ کر دیا گیا۔سیکیورٹی ذرائع کا کہنا ہے کہ پاک افواج نے 12 اور 13 مارچ کی درمیانی شب افغانستان میں فضائی کارروائیاں کرتے ہوئے افغان طالبان اور فتنہ الخوارج کے 4 ٹھکانوں کو کامیابی سے نشانہ بناتے ہوئے کابل میں تھری ون تھری کور کے انفرااسٹرکچر کو تباہ کر دیا گیا۔ذرائع کا کہنا ہے کہ افغانستان کے صوبہ قندھار میں تراوو دہشت گرد کیمپ کو بھی نشانہ بنایا گیا۔ پاک فوج نے فضائی حملوں کے دوران قندھار ایئر فیلڈ کی آئل اسٹوریج سائٹ اور اس سے ملحقہ لاجسٹک اانفراسٹرکچر کو بھی تباہ کردیا۔اسی طرح افغانستان کے صوبہ پکتیا میں شیرناؤ دہشت گرد کیمپ کو بھی فضائی حملے کا نشانہ بنایا گیا سیکیورٹی ذرائع کا کہنا ہے کہ آپریشن غضب للحق کے تحت جاری کارروائی اہداف کے حصول تک جاری رہے گی۔