سونے کی قیمت میں مسلسل دوسرے روز بھی بڑا اضافہ

پاکستان نیوز پوائنٹ
پاکستان کی مقامی صرافہ مارکیٹس میں سونے کی قیمت میں پھر اضافہ ریکارڈ کیا جا رہا ہے جہاں ایک تولہ سونے کی قدر 3 ہزار 200 جبکہ ایک تولہ چاندی کی قیمت 338 روپے اضافہ ہوا ہے۔آل پاکستان صرافہ جیمز اینڈ جیولرز ایسوسی ایشن کے جاری کردہ نئے ریٹس کے مطابق 24 قیراط فی تولہ سونا 3 ہزار 200 روپے اضافے سے 4 لاکھ 67 ہزار 962 روپے کا ہوگیا ہے جبکہ 10 گرام سونے کی قدر میں 2 ہزار 743 روپے اضافہ ہوا جس کے بعد نئی قیمت 4 لاکھ 1 ہزار 201 روپے تک پہنچ گئی ہے۔صرافہ ایسوسی ایشن کے مطابق 22 قیراط سونے کی فی 10 گرام قیمت 2 ہزار 514 روپے اضافے سے 3 لاکھ 67 ہزار 780 روپے کی ریکارڈ سطح پر پہنچ گئی ہے۔مقامی مارکیٹس میں چاندی کی قیمت میں بھی اضافہ ہوا ہے۔ 24 قیراط چاندی کی فی تولہ قیمت 338 روپے اضافے سے 8 ہزار 361 روپے اور 10 گرام چاندی 290 روپے اضافے سے 7 ہزار 168 روپے تک پہنچ گئی ہے۔بین الاقوامی سونے کی قیمت میں بھی اضافہ دیکھنے کو ملا ہے اور یہ 4 ہزار 456 ڈالر فی اونس ہو گئی ہے جو کہ گزشتہ روز کے مقابلے میں 32 ڈالر زیادہ ہے۔ جبکہ چاندی کی قیمت 78.86 امریکی ڈالر فی اونس ہو گئی ہے جو گزشتہ دنوں کے مقابلے میں 3.38 ڈالر زیادہ ہے۔ماہرین کا کہنا ہے کہ عالمی مارکیٹ میں سونے اور چاندی کی قیمتیں بڑھنے کے سبب مقامی مارکیٹس میں بھی اضافہ دیکھنے کو ملا ہے۔