میجر عدنان اسلم شہید کی نمازِ جنازہ ادا آج ہم نے ایک بہادر بیٹے کو کھو دیا وزیراعظم محمد شہباز شریف

پاکستان نیوز پوائنٹ
میجر عدنان اسلم شہید کی نمازِ جنازہ چکلالہ راولپنڈی میں ادا کر دی گئی شہید میجر عدنان اسلم کی عمر 31 سال تھی اور تعلق راولپنڈی سے تھا،شہید دوران علاج سی ایم ایچ میں جامِ شہادت نوش کر گئے،میجر عدنان اسلم نے 2 ستمبر کو بنوں میں بھارتی اسپانسرڈ فتنہ خوارج کے حملے میں بہادری سے لڑائی لڑی نماز جنازہ میں وزیراعظم محمد شہباز شریف، وزیر دفاع، وزیر اطلاعات، فیلڈ مارشل سید عاصم منیر، عسکری و سول حکام اور شہید کے عزیز و اقارب نے شرکت کی۔ وزیر اعظم نے کہا آج ہم نے ایک بہادر بیٹے کو کھو دیا، جس کی قربانی ہمیشہ قوم کے دلوں میں زندہ رہے گی،شہید میجر عدنان اسلم کی جرات، وطن سے محبت اور قربانی کی روح پاکستان کا اصل چہرہ ہے،میجر عدنان اسلم کی شہادت اس عزم کی گواہی ہے کہ پاک افواج دہشتگردی کے خاتمے تک ڈٹی رہیں گی۔ شہید کو آبائی علاقے میں پورے فوجی اعزاز کے ساتھ سپرد خاک کیا جائے گا،میجر عدنان کی شہادت ، بہادری کی علامت، قوم کا سر فخر سے بلند کردیا ، بنوں میں دہشتگردوں کے خلاف بہادری سے لڑتے ہوئے میجر عدنان نے جام شہادت نوش کیا ، میجر عدنان کی شہادت کو ان کے اہل خانہ نے بڑا اعزاز قرار دے دیا جام شہادت نوش کرنے والے میجر عدنان شہید کے اہل خانہ کا کہنا تھا کہ؛’’آپ سب کو بہت مبارک ہو ، آپ کا دوست شہید ہو گیا ہے ‘‘ سب کو پیغام دیدیں کہ ان کے والد اور ماموں نے کہا ہےکہ ایک اور بیٹا مادر وطن پر قربان ہو گیا ہے،میجر عدنان اللہ کی راہ میں شہید ہوا، جس پر ہم پاک ذات کا شکر ادا کرتے ہیں ، میجر عدنان شہید نے آخری دم تک دہشتگردوں کے خلاف بہادری سے لڑتے ہوئے وطن کا دفاع کیا،میجر عدنان شہید کی بہادری کی داستان تاریخ میں سنہری الفاظ میں لکھی جائے گی،میجر عدنان شہید آنے والی نسلوں کے لیے مشعل راہ بن گئے