وزیرداخلہ سے امریکی سفیر کی ملاقات خطے کی صورتحال پر تبادلہ خیال

پاکستان نیوز پوائنٹ
وفاقی وزیر داخلہ محسن نقوی سے امریکی سفیر نیٹلی بیکر کی ملاقات کی جس میں خطے کی صور تحال پر تفصیلی تبادلہ خیال کیا گیا ۔اسلام آباد مذاکرات کے دوسرے راؤنڈ پر سفارتی امور زیر غور آئے۔ اسلام آباد میں وفاقی وزیر داخلہ سے امریکی سفیر نیٹلی بیکر کی ملاقات میں محسن نقوی نے جنگ بندی میں توسیع کیلئے صدر ٹرمپ کے اقدام کو سراہا۔ محسن نقوی نے کہا کہ امریکی صدر ٹرمپ کی جنگ بندی میں توسیع خوش آئند ہے جبکہ ایران کی جانب سے بھی مثبت پیشرفت کی امید ہے ۔ وزیر داخلہ کا کہنا تھاکہ وزیر اعظم اور فیلڈ مارشل تنازع کے حل کیلئے بھر پور کوششیں کر رہے ہیں۔امید ہے فریقین سفارتی اور پر امن حل کو موقع دیں گے جبکہ نیٹلی بیکر نے خطے میں قیام امن کیلئے پاکستان کے تعمیری کردار کو سراہا۔