کیٹی پیری اور سابق کینیڈین وزیراعظم جسٹن ٹروڈو کی رومانوی تصویر وائرل

پاکستان نیوز پوائنٹ
امریکی پاپ گلوکارہ کیٹی پیری اور سابق کینیڈین وزیرِ اعظم جسٹن ٹروڈو کے تعلقات سے متعلق قیاس آرائیاں ایک بار پھر زور پکڑنے لگی ہیں، جب دونوں کی قربت پر مبنی تصاویر سوشل میڈیا پر سامنے آئیں حال ہی میں کیٹی پیری نے انسٹاگرام پر اپنی تعطیلات کی چند تصاویر شیئر کیں، جن میں ایک تصویر نے مداحوں اور صارفین کی خاص توجہ حاصل کر لی۔ مذکورہ تصویر میں کیٹی پیری ایک خوبصورت ساحلی مقام پر جسٹن ٹروڈو کے گلے پر بوسہ دیتی دکھائی دے رہی ہیں، جبکہ جسٹن ٹروڈو مسکراتے ہوئے کیمرے کی جانب دیکھ رہے ہیں۔
کیٹی پیری کی جانب سے شیئر کی گئی تصاویر میں ان کے سابق ساتھی اور معروف اداکار اورلینڈو بلوم بھی نظر آئے۔ اگرچہ دونوں گزشتہ برس علیحدگی اختیار کر چکے ہیں، تاہم وہ اپنی بیٹی کی پرورش کے لیے اب بھی ایک ساتھ وقت گزارتے دکھائی دیتے ہیں۔ واضح رہے کہ کیٹی پیری اور جسٹن ٹروڈو نے گزشتہ ماہ ہی سوشل میڈیا پر اپنے تعلقات کو عوامی سطح پر ظاہر کیا تھا، جس کے بعد سے دونوں کے بارے میں مختلف چہ مگوئیاں جاری ہیں۔ تازہ تصاویر نے ان خبروں کو مزید تقویت دے دی ہے۔